ورلڈٹیسٹ چیمپئن شپ:جنوبی افریقہ نے آسٹریلیا سے پہلی پوزیشن چھین لی

جنوبی افریقہ نے سری لنکا کو دوسرے ٹیسٹ میچ میں  109 رنز کے بڑے مارجن سے  شکست دے کر نہ صرف سیریز میں کلین سوئپ کردیا بلکہ آئی سی سی ورلڈ ٹیسٹ چیمپئن شپ کے پوائنٹس ٹیبل پر پہلی پوزیشن بھی حاصل کر لی۔

پورٹ ایلزبتھ میں کھیلے جانے والے سیریز کے دوسرے میچ کے آخری دن 348 رنز کے ہدف کے تعاقب میں سری لنکا نے دوسری نامکمل اننگز 205 رنز 5 آؤٹ پر شروع کی اور پوری ٹیم 238 رنز پر سمٹ گئی۔

سری لنکا کی جانب  سےدوسری اننگز میں کوشل مینڈس 46 اور کپتان دھننجایا ڈی سلوا 50 رنز بنا کر  نمایاں رہے۔

جنوبی افریقا  کی جانب سے کیشو مہاراج نے دوسری اننگز میں 5 جبکہ میچ میں مجموعی طور پر 7 وکٹ حاصل کیے۔

میزبان ٹیم نے ٹیسٹ میچ میں 109 رنز کی فتح کے ساتھ سیریز 0-2 سے اپنے نام کی اور اس کے ساتھ آسٹریلیا سے ٹیسٹ چیمپئن شپ کی پہلی پوزیشن چھین لی۔