شکارپور : جتوئی قبیلے کے دو گروپوں میں فائرنگ ، 2 افراد جاں بحق

جی این این کے مطابق  شکار پور کے نواحی گاؤں  رستم کے قریب دیرینہ دشمنی دوافراد کی جان لے گئی ،واقعے کی اطلاع ملتے ہی پولیس موقع پر پہنچ گئی ۔  پولیس کے مطابق فائرنگ کے نتیجے میں جاں بحق افراد کی شناخت جمشید اور ضمیر جتوئی کے نام سے ہوئی ہے۔ لاشوں کو ضروری کارروائی کے لئے  تحصیل اسپتال خانپور منتقل کیا گیا ہے  ۔پولیس  کاکہنا ہے کہ دونوں گروپوں میں  فائرنگ دیرینہ دشمنی کاشاخسانہ   ہے۔ مزید خون ریزی کو روکنے کے لئے پولیس کی بھاری  نفری علاقے میں  روانہ کردی گئی ہے۔

پولیس کے مطابق شکارپورمیں ایک ماہ کے دوران دونوں گروپوں کے اب تک  خاتون  سمیت 8 افراد ہلاک ہوچکے ہیں ۔