توشہ خانہ ٹو کیس، بانی پی ٹی آئی اور بشریٰ بی بی پر فرد جرم عائد

توشہ خانہ ٹو کیس، بانی پی ٹی آئی اور بشریٰ  بی بی پر فرد جرم عائد کر دی گئی۔

سپیشل عدالت کے جج شاہ رخ ارجمند نے اڈیالہ جیل میں توشہ خانہ ٹو کیس کی سماعت کی، اس موقع پر سابق وزیراعظم عمران خان کے علاوہ سابق خاتون اول بشریٰ بی بی بھی اڈیالہ جیل میں موجود تھیں۔

بانی چیئرمین تحریک انصاف اور بشریٰ بی بی نے صحت جرم سے انکار کر دیا۔

نیب ترامیم کی روشنی میں یہ کیس ایف آئی اے کو منتقل کیا گیا تھا، ستمبر 2024 میں ایف آئی اے نے ضروری تحقیقاتی کارروائی کے بعد چالان عدالت میں جمع کرا دیا تھا۔

سپیشل کورٹ سنٹرل ون اسلام آباد نے فرد جرم عائد کی، جج شاہ رخ ارجمند نے فرد جرم پڑھ کر سنائی جس کے بعد توشہ خانہ ٹو کیس کی سماعت 18 دسمبر تک ملتوی کر دی گئی۔

واضح رہے کہ اس کیس کی ابتدائی تحقیقات نیب نے کی تھی۔