شہباز شریف اور نواز شریف کے درمیان ٹیلی فونک رابطہ، آزادکشمیر انتخابات پر مشاورت

جی این این کےمطابق مسلم لیگ ن کے صدر اور اپوزیشن لیڈر قومی اسمبلی  شہباز شریف اور پارٹی قائد نواز شریف کے درمیان ٹیلی فونک رابطے میں   آزادکشمیر انتخابات کے حوالے سے مشاورت کی  گئی ۔ پارٹی قائد نواز شریف نے شہباز شریف کو کشمیر الیکشن پر فوکس کرنے کی ہدایت کردی ۔

ٹیلفونگ گفتگو میں دونوں کے درمیان کشمیر الیکشن کی مہم مریم نواز کو سوپنے پر اتفاق کیاگیا ، جبکہ پارٹی قائد میاں محمد نوازشریف نے  ہدایت کی کہ کشمیر الیکشن میں شہباز شریف اور مریم نواز مسلم لیگ ن کے امیدواروں کی انتخابی مہم چلائیں۔ قائد نو ن لیگ  نے شہبازشریف سے کہا کہ مریم نواز اورآپ   الگ الگ عوامی اجتماعات سے خطاب کریں۔ جن میں حکومت کی کشمیر پالیسی اور بڑھتی ہوئی مہنگائی کو ہدف تنقید بنائیں۔  دونوں رہنماؤں کاکہنا تھا کہ حکومت نے بجٹ سے پیٹرول سمیت دیگر بنیادی ضروریات کی چیزوں میں اضافہ کر کے عوام دشمنی کا ثبوت دیا ۔پارٹی قائد نے حکومت کے خلاف اپوزیشن اتحاد کو بھی مضبوط کرنے کی ہدایت کردی ۔

خیال رہے کہ آزاد کشمیر قانون ساز اسمبلی کے 11 ویں عام انتخابات 25 جولائی کو ہوں گے۔ آزاد کشمیر کے الیکشن کمیشن کے مطابق آزادکشمیرکے 33، مہاجرین جموں کشمیرکے 12 حلقوں میں انتخابات ہوں گے اور اس الیکشن میں گزشتہ انتخابات کی نسبت 4 انتخابی حلقوں کا اضافہ کیاگیا ہے۔

الیکشن کمیشن کے مطابق آزاد کشمیر میں 28 لاکھ17 ہزار 90 ووٹرز اپنا حق رائے دہی استعمال کریں گے جن میں سے مرد ووٹرز کی تعداد 15 لاکھ 19 ہزار 347  اور خواتین ووٹرز کی تعداد 12 لاکھ 97 ہزار 747 ہے۔