پاکستان سپر لیگ 6 ( پی ایس ایل ) میں سب سے زیادہ وکٹیں لینے والے باؤلر کا خواب کیا ہے؟

نجی ٹی وی چینل کے ایک پروگرام میں گفتگو کرتے ہوئے پاکستان سپر لیگ 6  ( پی ایس ایل ) میں سب سے زیادہ وکٹیں حاصل کرنے والے فاسٹ باؤلر شاہنواز دھانی کا کہنا تھا کہ" میری ٹیم ملتان سلطانز نے پی ایس ایل کا ٹائٹل جیت لیا ہے اب میری خواہش ہے کہ میں قومی کرکٹ ٹیم میں کھیلوں اور پاکستان کو ورلڈ کپ جتواؤں"۔

ان کا مزید کہنا تھا کہ پی ایس ایل میں بین الا قوامی کھلاڑیوں کے ساتھ کھیل کر بہت کچھ سیکھنے کو ملتا ہے۔ شاہنواز دھانی پی ایس ایل 6 میں سب سے زیادہ وکٹیں حاصل کرنے والے باؤلر ہیں ۔ انہوں نے ٹورنامنٹ میں 20وکٹیں حاصل کیں ۔

یاد رہے کہ شاہنواز دھانی سندھ کے ضلع لاڑکانہ کے ایک گائوں کے رہائشی ہیں شروع میں ان کو بہت زیادہ مسائل کا سامنا بھی کرنا پڑا۔ ان کے پاس کھیلنے کے لیے کرکٹ کٹ تک بھی نہیں تھی لیکن انہوں نے حوصلہ نہیں ہارا بلکہ اپنے مقصد پر ڈٹے رہے اور پاکستان سپر لیگ 6 میں سب سے زیادہ وکٹیں حاصل کیں۔