سندھ ہائیکورٹ نے ملک بھر میں ٹک ٹاک پر پابندی عائد کردی

تفصیلات کے مطابق  ٹک ٹاک پر غیر اخلاقی مواد اپلوڈ کرنے کے معاملے پر  سندھ ہائیکورٹ نے ملک بھر میں ٹک ٹاک پر پابندی عائد کردی ہے۔عدالت نے پاکستان ٹیلی کمیونیکیشن اتھارٹی (پی ٹی اے )  کو ٹک ٹاک اپلیکیشن فوری طور پر معطل کرنے کا حکم دے دیا ہے۔

عدالت نے  اٹارنی جنرل اور دیگر  کو نوٹس جاری 8 جولائی تک  جواب طلب کرلیا ہے۔

بیرسٹر اسد اشفاق کا درخواست میں کہنا ہے کہ  ٹک ٹاک پر غیر اخلاقی اور غیر اسلامی مواد رکھا جارہا ہے،  پی ٹی اے کو شکایت دی تاحال کارروائی نہیں ہوئی۔

قبل ازیں ویڈیوز شئیرنگ ایپ ٹک ٹاک پر پابندی لگانے کے لیے سپریم کورٹ میں درخواست دائر  کی گئی ہے، درخواست  شہری میاں علی زیب سمیت پانچ دیگر شہریوں نے دائرکی ہے ، درخواست میں وفاق پی ٹی آے ، وزارت انفارمیشن ٹیکنالوجی اور پیمرا کو فریق بنایا گیا ہے ۔

درخواست گزار نے استدعا کی ہے کہ ٹک ٹاک پر پابندی لگا کر نئی پالیسی تشکیل دی جائے اور حکومت کو غیر اخلاقی مواد روکنے کے لیے ریگولیٹری میکانزم بنانے کا حکم دیا جائے۔

متن میں شامل ہے کہ آئین کا آرٹیکل اکتیس ملک میں اسلامی طرز زندگی کی ضمانت دیتا ہے ، ٹک ٹاک سے نوجوان نسل بے راہ روی کا شکار ہورہی ہے ۔

ٹک ٹاک کا ذریعے غیر اخلاقی اور فحش مواد پھیلایا جارہا ہے ۔ امریکہ ، بھارت ، اور بنگلہ دیش سمیت مختلف ممالک میں ٹک ٹاک پر عارضی پابندی ہے ۔

درخواستگزار کا کہناہے کہ پشاور ہائیکورٹ نے ٹک ٹاک پر پابند ی لگانے کا حکم دیا تھا ۔ ٹک ٹاک کی وجہ سے متعدد ہلاکتیں بھی ہوچکی ہیں ۔