واٹس ایپ صارفین کیلئے اہم خبر ، بڑی تبدیلی کر دی گئی

تفصیلات  کے مطابق ویب بیٹا انفو کی ویب سائٹ کےجانب سے اپنے صارفین کو بتایا گیا ہے کہ واٹس ایپ بیٹا کا اینڈرائیڈ ورژن 2.21.13.17 استعمال کرنے والے صارفین اب بزنس اکاؤنٹس پر آن لائن یا لاسٹ سین کا اسٹیٹس نہیں دیکھ سکیں گے۔

ویب سائٹ کی رپورٹ کے مطابق اگر آپ کسی بزنس اکاؤنٹ سے چیٹنگ کررہے ہیں تو اس وقت آپ کو آن لائن کے بجائے بزنس اکاؤنٹ لکھا نظر آئے گا۔

رپورٹ میں بتایا گیا ہے کہ ایپلی کیشن میں یہ تبدیلی دو روز قبل کی گئی جس کے بعد خیال ظاہر کیا جارہا تھا کہ شاید یہ کوئی غلطی ہے تاہم تحقیقات کے بعد اس تبدیلی کی تصدیق کردی گئی۔