پنجاب ریونیو اتھارٹی نے سنگل سیلز ٹیکس ریٹرن کا دائرہ کار مزید شعبوں تک بڑھا دیا،ترجمان

لاہور: پنجاب ریونیو اتھارٹی (پی آر اے ) نے اپنے سنگل سیلز ٹیکس ریٹرن (SSTR) کا دائرہ کار دو اضافی شعبوں تک بڑھا دیا ہے۔
ترجمان پی آر اے  کے مطابق اس سہولت کو اب آئل اینڈ گیس سیکٹر اور مائیکرو فنانس بینکنگ سیکٹر تک بڑھا دیا گیا ہے۔
رواں سال فروری میں سنگل سیلز ٹیکس ریٹرن متعارف کرائی گئی تھی،ٹیکس پیئر پانچ  گوشوارےجمع کروانے کی بجائے سنگل سیلز ٹیکس کے پورٹل پر ایک بار ہی ریٹرن آسانی سے جمع کروا سکے گا ۔
جبکہ پہلے مرحلے میں بطور پائلٹ پراجیکٹ سنگل سیلز ٹیکس ریٹرن ٹیلی کمیونی کیشن سیکٹر تک محدود تھا ۔
چیئرمین  کا کہنا ہے کہ پی آر اے نے ایف بی آر سمیت تمام صوبائی ریونیو اتھارٹیز کے ساتھ  متفقہ طور پر اس کو ان دو شعبوں تک بڑھایا دیا ہے، ان کا مزید کہنا تھا کہ پی آر اے جلدٹیکس گزار ان کی سہولت کے لئے دیگر بین الصوبای بزنس سیکٹرز پر سنگل  سیلز ٹیکس ریٹرن  کی سہولت  متعارف  کرائے  گا۔
پی آر اےکے مطابق، SSTR کے دائرہ کار کو ان شعبوں کی سہولت کے لیے مرحلہ وار عبوری بنیادوں پر کام کرنے والے باقی تمام شعبوں تک بڑھایا جائے گا، اور اس کے بعد بینکنگ اور انشورنس کے شعبے ہیں۔
ترجمان نے مزید کہا کہ SSTR نہ صرف ٹیکس دہندگان کی سہولت میں مدد کرتا ہے بلکہ سیلز ٹیکس جمع کرنے والے تمام ریونیو اتھارٹیز کے درمیان باہمی تعاون پر مبنی نقطہ نظر کو فروغ دینے کے لیے بھی اہم ہے۔