سوات اور گردونواح میں زلزلے کے جھٹکے

سوات:خیبرپختونخوا کے ضلع سوات اور اس کےگردونواح میں زلزلے کے جھٹکے محسوس کیے گئے۔
زلزلے کے خوف سے لوگ کلمہ طیبہ کا ورد کرتے ہوئے گھروں سے باہر نکل آئے تاہم زلزلے کے باعث کسی جانی یا مالی نقصان کی اطلاع موصول نہیں ہوئی۔ 
زلزلہ پیما مرکز کے مطابق زلزلے کی شدت 4.2 ریکارڈ کی گئی،مرکز افغان تاجک سرحدی علاقہ ، گہرائی 165کلومیٹر تھی۔

واضح رہے کہ ایک ہفتہ قبل پاکستان کے صوبہ بلوچستان کے مختلف اضلاع میں بھی زلزلے کے جھٹکے محسوس کیے گئے تھے۔