آسکر ایوارڈ یافتہ فلم ”رومیو اینڈ جولیٹ“ کی اداکارہ اولیویا ہسی73 برس کی عمرمیں چل بسیں
اولیویا ہسی کو ان کی اداکاری کی وجہ سے ‘نیو اسٹار آف دی ایئر’ گولڈن گلوب ایوارڈ سے بھی نوازا گیا


ہالی ووڈ کی مشہورفلم رومیو اینڈ جیولیٹ میں جولیٹ کا مرکزی کردار نبھانے والی اداکارہ اولیویا ہسی 73 سال کی عمر میں امریکی ریاست کیلی فورنیا میں چل بسیں۔
اداکارہ کے خاندان کی جانب سے سوشل میڈیا پلیٹ فارم انسٹا گرام پر جاری شدہ بیان میں بتایا گیا ہے کہ وفات سے پہلے ان کے چاہنے والے اُن کے ارد گرد موجود تھے۔
اولیویا کے اہل خانہ نے ان کے انسٹاگرام اکاؤنٹ پر ایک بیان میں کہا کہ ’اولیویا ایک غیر معمولی صلاحیتوں کی مالک تھیں، جن کے حسن اخلاق،دانشمندی اور مہربان روّیے نے ان تمام لوگوں اپنا گرویدہ بنا رکھا تھا، جو انہیں جانتے تھے۔
ہسی نے 15سال کی عمر میں ڈائریکٹر فرینکو زیفریلی کی فلم رومیو اینڈ جیولیٹ سے اپنے فلمی کیریئر کا آغاز کیا، ڈائریکٹر فرینکو زیفریلی نے پہلی دفعہ ان کو شیکسپیئر کے ایک تھیٹر پلے میں ایک کردار کرتے دیکھا تھا۔
ارجنٹائن کی اوپیرا گلوکارہ اور برطانوی لیگل سیکریٹری کے ہاں پیدا ہونے والی اولیویا ہسی 7 سال کی عمر میں اپنے خاندان کے ساتھ بیونس آئرس سے لندن منتقل ہو گئی تھیں۔
اداکارہ اولیویا ہسی نے اٹلیا کونٹی ڈراما اسکول میں تعلیم حاصل کی اور جب انہیں زفیریلی کی فلم میں کاسٹ کیا گیا تو وہ پہلے ہی ایک اداکارہ تھیں۔
اولیویا ہسی کو ان کی اداکاری کی وجہ سے ‘نیو اسٹار آف دی ایئر’ گولڈن گلوب ایوارڈ سے بھی نوازا گیا تھا، بعد میں انہوں نے 1974 کی فلم بلیک کرسمس اور 1978 میں اگاتھا کرسٹی کی فلم ’ڈیتھ آن دی نیل‘ سمیت دیگر پروجیکٹس میں بھی کام کیا۔ان کے پسماندگان میں ان کے شوہر ڈیوڈ آئزلے، ان کے 3 بچے اور ایک پوتی شامل ہیں۔
واضح رہے کہ ہالی ووڈ فلم رومیو جیولیٹ کا شمار ہالی ووڈ کی مشہور فلموں میں ہوتا ہے، اس فلم نے 2 آسکر ایوارڈ جیتے تھے، اسی فلم میں جاندار اداکاری پر انہیں گولڈن گلوب ایوارڈ سے نوازا گیا تھا، اس فلم میں رومیو کا کردار برطانوی اداکار لیونارڈ واٹنینگ نے نبھایا تھا۔

ایران،اسرائیل کشیدگی،وزیر اعظم نے قومی سلامتی کمیٹی کا اجلاس طلب کر لیا
- ایک گھنٹہ قبل

ایران : موساد کیلئے جاسوسی کے الزام میں ایک اور شخص کو سزائے موت
- ایک گھنٹہ قبل
صارفین کے لیے اچھی خبر،واٹس ایپ میں اے آئی پر مبنی 2 بہترین فیچرز کا اضافہ
- 4 گھنٹے قبل

آپریشن مڈنائٹ ہیمر، ایران نے حملہ کیا تو اس کا بھرپور طریقے سے جواب دیا جائے گا،امریکا
- 3 گھنٹے قبل

مذاکرات کی پیش کش ابھی بھی موجود ہے،ایران امریکی صدر کے ساتھ چالاکی نہیں کر سکتا،مارکو روبیو
- 10 منٹ قبل

اسحاق ڈار کی افغان ہم منصب سے ملاقات،سی پیک اور دو طرفہ تعلقات پر تبادلہ خیال
- 3 گھنٹے قبل
کینیڈا نے بہاماس کو شکست دے کر آئی سی سی ٹی 20 ورلڈ کپ 2026 کیلئے کوالیفائی کر لیا
- 5 گھنٹے قبل

اسحاق ڈار کی عباس عراقچی سے ملاقات،ایرانی جوہری تنصیبات پر امریکی حملے کی مذمت
- 2 منٹ قبل

وزیر اعظم شہباز شریف کا ایرانی صدر سے ٹیلفونک رابطہ،امریکی واسرائیلی حملوں کی شدید مذمت
- 4 گھنٹے قبل

یو این قراردادوں کے مطابق مسئلہ کشمیر کا حل چاہتے ہیں، اسحاق ڈار
- 3 گھنٹے قبل

جوہری تنصیبات پر حملے،ایرانی پارلیمنٹ نے آبنائے ہرمز بند کرنے کی منظوری دے دی
- 2 گھنٹے قبل

ایرانی ایٹمی تنصیبات پر امریکی حملہ ، عالمی جوہری توانائی ایجنسی کا ہنگامی اجلاس کل طلب
- 5 گھنٹے قبل