صدر آصف علی زرداری کی سہیون میں لال شہباز قلندر کے مزا ر پر حاضری

سیہون: صدر مملکت آصف علی زرداری نے سیہون میں سندھ  کے عظیم روحانی بزرگ حضرت لعل شہباز قلندرؒ کے مزار پر حاضری دی اور فاتحہ خوانی کی۔
صدر  زرداری نے مزار لعل شہباز قلندرؒ پر ملکی سلامتی و خوشحالی کیلئے خصوصی دعائیں مانگیں، صدر مملکت نے مزار پر قرآن پاک کی تلاوت بھی کی۔
اس موقع پر وزیراعلیٰ سندھ سید مرادعلی شاھ، صوبائی وزراء علی حسن زرداری، ریاض حسین شاہ شیرازی، ملک اسد سکندر بھی صدر مملکت کے ہمراہ تھے۔
صوبائی وزیر اوقاف سندھ ریاض شاہ شیرازی نے مزار لعل شہباز قلندرؒ آمد پر صدر مملکت کو سندھی ٹوپی اور اجرک کا تحفہ پیش کیا، صدر مملکت کو لعل شہباز قلندرؒ کے مزار پر جاری ترقیاتی منصوبوں پر بریفنگ بھی دی گئی۔
صدر مملکت نے کہا کہ لعل شہباز قلندرؒ کا مزار پیار، محبت اور امن کا درس دیتا ہے، مزار لعل شہباز قلندرؒ پر حاضری دیکر دلی سکون ملتا ہے۔