یمن کے حوثیوں کا تل ابیب کے بن گوریان ایئرپورٹ پرایک اور میزائل حملہ

یمن کے حوثی جنگجوؤں نے اسرائیلی دارالحکومت تل ابیب کے بن گوریان ایئرپورٹ پرایک دفعہ پھر میزائل حملہ کردیا۔
حوثیوںکے ترجمان کی جانب سے جاری بیان میں کہا گیا کہ انہوں نے اسرائیلی ایئرپورٹ اور ایک پاور اسٹیشن کو کامیابی سے نشانہ بنایا۔ بیان میں مزید کہا گیا کہ اسرائیل پرحملے میں ہائپر سانک اور ذولفقار بیلسٹک میزائل استعمال کیے گئے۔
 اسرائیلی فوج نے حملے کی تصدیق کرتے ہوئے دعویٰ کیا کہ میزائل کو فضا میں ہی تباہ کیا گیا تھا ، صرف ملبہ زمین پر گرا۔
دوسری جانب اسرائیل اوریمن کے درمیان کشیدگی پر اقوام متحدہ کی سلامتی کونسل کا اجلاس ہوا جس میں اسرائیلی مندوب نےحوثیوں کو حزب اللہ اور حماس کےرہنماؤں کی طرح ٹارگیٹڈ کارروائی کی دھمکی دے دی،روسی مندوب نے یمن پر اسرائیلی حملوں کی مذمت کی۔