محصولات کی وصولیوں میں کمی کی وجہ درآمدات میں کمی اور توقع سے کم افراط زر کی وجہ سے ہے


فیڈرل بورڈ آف ریونیو (ایف بی آر) کو رواں مالی سال کی پہلی ششماہی میں محصولات کی وصولی کے ہدف میں تقریباً 386 ارب روپے کی کمی کا سامنا ہے، جس کی وجہ درآمدات میں کمی اور توقع سے کم افراط زر کی وجہ سے ٹیکس وصولیاں متاثر ہونا ہے۔
منگل کو جاری ہونے والے عبوری اعداد و شمار کے مطابق جولائی سے دسمبر کے دوران ایف بی آر نے 6 ہزار 9 ارب روپے کے ہدف کے مقابلے میں 5 ہزار 623 ارب روپے جمع کیے، تاہم یہ وصولی گزشتہ سال کے 4 ہزار 446 ارب روپے کے مقابلے میں 26 فیصد زیادہ ہے۔ٹیکس وصولیوں میں کمی کی بڑی وجہ تجارت میں سست روی، مینوفیکچرنگ کی سست نمو اور غیر متوقع طور پر کم افراط زر کی وجہ سے درآمدات سے ٹیکس وصولی میں کمی ہے، افراط زر حالیہ مہینوں میں سنگل ڈیجٹ تک گر چکی ہے۔
صرف دسمبر میں ٹیکس وصولی کے ہدف میں 47 ارب روپے کا فرق دیکھا گیا، جس میں ایک ہزار 373 ارب روپے کے ہدف کے مقابلے میں ایک ہزار 326 روپے جمع ہوئے، تاہم یہ رقم گزشتہ سال دسمبر میں جمع ہونے والے 984 ارب روپے کے مقابلے میں 35 فیصد زیادہ ہے۔ حکومت نے مالی سال 25 کے لیے 12 ہزار 913 ارب روپے کے محصولات کا ہدف مقرر کیا تھا، جو مالی سال 24 کے مقابلے میں 40 فیصد زیادہ ہے، اخراجات میں کٹوتی سے گریز اور محصولات کے ہدف میں غیر متوقع اضافے کی وجہ سے اس کا حصول تقریباً ناممکن دکھائی دیتا ہے۔
ایف بی آر نے مالی سال 25 کی پہلی ششماہی میں ٹیکس دہندگان کو ریفنڈز کی مد میں 273 ارب روپے ادا کیے، جو گزشتہ سال کے اسی عرصے کے 234 ارب روپے کے مقابلے میں 16.66 فیصد زیادہ رقم ہے، ایف بی آر نے دسمبر میں ریفنڈ کی مد میں 70 ارب روپے ادا کیے، جو گزشتہ سال کے اسی مہینے میں ادا کیے گئے 38 ارب روپے کے مقابلے میں 84 فیصد زیادہ ہے۔
حکومت کو یقین ہے کہ مالی سال 25 میں 3 ہزار 659 ارب روپے کا اضافی ریونیو 3 اہم عوامل سے حاصل کیا جائے گا۔
رپورٹ میں توقع ظاہر کی گئی ہے کہ جی ڈی پی کی شرح نمو 3 فیصد، بڑے پیمانے پر مینوفیکچرنگ کی شرح نمو 3.5 فیصد، افراط زر کی شرح 12.9 فیصد اور درآمدات میں 16.9 فیصد اضافے سے مالی سال 25 میں مجموعی طور پر ایک ہزار 863 ارب روپے کی اضافی آمدنی حاصل ہوگی۔

برطانیہ میں کنسرٹ کے دوران گلوکاروں کے فلسطین کی حمایت اور اسرائیل مخالف نعرے
- 4 گھنٹے قبل

غزہ میں اسرائیلی بمباری سے حماس کے بانی رہنما محمد عیسیٰ العیسی سمیت 47 فلسطینی شہید
- 5 گھنٹے قبل

حکومت کی 285 درآمدی مصنوعات پر نئے سرے سے ڈیوٹیز عائد کرنے کی منظوری
- 5 گھنٹے قبل

اور بلنگ کے عمل میں شفافیت کےلیے ’’اپنا میٹر، اپنی ریڈنگ‘‘ اسمارٹ ایپ متعارف
- 28 منٹ قبل

ٹرمپ ایک بار پھر کرپشن اسکینڈل میں ملوث نیتن یاہو کی حمایت میں سامنے آ گئے
- 2 گھنٹے قبل

خیبرپختونخوا میں مزید بارشوں کی پیش گوئی، پی ڈی ایم اے کا الرٹ جاری
- 5 گھنٹے قبل

خیبرپختونخوا میں حالیہ بارشوں کے باعث ہونے والے نقصانات کی رپورٹ جاری
- 3 گھنٹے قبل

بلوچستان کے مختلف شہروں میں زلزلے کے شدید جھٹکے
- 5 گھنٹے قبل

اسحاق ڈار کا ترک ہم منصب سے ٹیلی فونک رابطہ، علاقائی پیش رفت پر تبادلہ خیال
- 2 گھنٹے قبل

رواں سال سندھ بھر میں ملیریا کے65 ہزار 116کیسز رپورٹ
- 34 منٹ قبل

صدر مملکت نے جسٹس سرفراز ڈوگر کو اسلام آباد ہائی کورٹ کا سینئر ترین جج ڈیکلیئر کر دیا
- 36 منٹ قبل

ایران کی بین الاقوامی ایٹمی توانائی ایجنسی کے سربراہ پر ایرانی ایٹمی تنصیبات کا دورہ کرنے پر پابندی
- 4 گھنٹے قبل