چھٹیوں کا فیصلہ ابھی نہیں ہوا، سعید غنی

تفصیلات کے مطابق صوبائی وزیرتعلیم سندھ سعید غنی کا کہناہے کہ فی الحال گرمیوں کی چھٹیوں کا فیصلہ نہیں ہوسکا۔ ایک بیان میں سعید غنی کا کہناتھاکہ اسٹیرنگ کمیٹی کے اجلاس میں گرمیوں کی چھٹیاں نہ دینے کا اعلان ہوا تھا اگر کسی علاقے میں موسم زیادہ گرم ہوا تو اجلاس میں غور کیا جائیگا۔

یہ بھی پڑھیں :ٹک ٹاک سٹار حریم شاہ نے رکن اسمبلی سے شادی کرلی

وفاقی این سی اوسی کی جانب سے صوبوں اور وفاقی اکائیوں کو تعلیم اداروں میں موسم گرما کی تعطیلات کا اختیار دیے جانے کے بعد صوبہ پنجاب اور خیبر پختونخواہ نے اس حوالےسے اہم اعلان کردیا ہے ۔ تاہم صوبہ سندھ میں چھٹیوں کے حوالے سے فیصلہ نہیں ہوسکا ۔

جبکہ پنجاب کے سرکاری اور پرائیوٹ سکولز کو ایک ماہ کی چھٹیاں دینے کا فیصلہ کیا گیا ہے،یکم جولائی سے 31 جولائی تک پنجاب کے سرکاری اور نجی  سکولز بند رہیں گے۔ یکم اگست سے سکولز دوبارہ کھلیں گے۔

یہ بھی پڑھیں :موٹر سائیکل مالکان کیلئے انتہائی بری خبر

سماجی رابطے کی ویب سائٹ ٹوئٹر پر  صوبائی وزیر تعلیم مراد راس نے بیان جاری کرتے ہوئے کہا ہے کہ  چھٹیوں کے دوران طالب علم اور ان کے اہلخانہ ایس اوپیز پرعملدرآمد کریں۔

اس سے قبل  وفاقی تعلیمی اداروں میں گرمیوں کی چھٹیوں کے حوالےسے فیصلہ ہوگیاہے ، چھٹیاں 18 جولائی سے یکم اگست تک ہوں گی ،  وفاقی سکولوں میں گرمیوں کی تعطیلات سے متعلق فیصلہ آج ہوا ہے ۔

یہ بھی پڑھیں :میرے شوہر پہلے سے شادی شدہ اور صوبائی وزیر ہیں ، حریم شاہ

واضح رہے کہ گزشتہ روز نیشنل کمانڈ اینڈ آپریشن سینٹر نے تعلیم اداروں میں گرمیوں کی چھٹیاں 18 جولائی سے یکم اگست تک دینے کی تجویز بھی دی گئی تھی  لیکن وزیرتعلیم پنجاب اس بات سے متفق نہیں تھے اور پنجاب حکومت کا موقف  ہے کہ موسم گرما کی چھٹیاں ایک ماہ کے لیے دی جائیں ۔