ملائیشیا کے وزیر اعظم کی طبیعت بگڑ گئی،ہسپتال داخل

تفصیلات  کے مطابق  وزیراعظم ہاؤس سے جاری بیان کے مطابق   ملائیشیا کے وزیر اعظم محی الدین یاسین کی طبیعت بگڑ گئی،وہ  اسہال کی بیماری میں مبتلا  تھے۔   طبیعت زیادہ  خراب ہونے پر انہیں اسپتال داخل کروادیا گیا ۔

2018 میں ملائیشین وزیراعظم کو کینسر کی تشخیص ہوئی تھی تاہم گذشتہ  برس جون میں وہ  کینسر سے صحت یاب ہوئے ہیں ۔

یاد رہے کہ ملائیشین وزیراعظم محی الدین یاسین نے یکم مارچ 2020 کو وزارت کے عہدے کا حلف اٹھا یا تھا ۔اے ایف پی کے مطابق محی الدین دراصل مہاتیر محمد کی جماعت برساتو کے سربراہ ہیں اور ان کی جانب سے وزیراعظم کا منصب سنبھالے جانے کے بعد ان کا اتحاد یونائیٹڈ مالے نیشنل آرگنائزیشن(یو ایم این او) دوبارہ اقتدار میں آ یاہے ،  جسے 2018 میں انتخابات میں شکست کے بعد اقتدار سے محروم ہونا پڑا تھا۔