کوئٹہ کوئلہ کان میں دھماکہ، جاں بحق ہونے والے4 مزدوروں کی لاشیں نکال لی گئیں

کوئٹہ:صوبائی داراحکومت کوئٹہ میں کوئلہ کان دھماکے میںجاں بحق  ہونے والے 4مزدوروں کی لاشیں نکال لی گئیں۔
چیف مائنز انسپکٹر کے مطابق کوئٹہ کے نواحی علاقے سپین کاریز سنجدی کے مقامی کوئلہ کان میں گزشتہ رات زہریلی گیس بھرنے کے باعث دھماکہ ہوا تھا جس کے بعد کان بیٹھ گئی تھی اور اس کے نتیجے میں12 مزدور اندر پھنس گئے تھے ،۔
ریسکیو آپریشن کے دوران 4 مزدور کی لاشیں نکال لی گئیں جبکہ کان کے داخلی دروازے سے ملبے کو بھاری مشینری کے ذریعے ہٹایا گیا۔
دوسری جانب ڈپٹی ڈائریکٹر ریسکیو اصغر جمالی نے تشویشناک خبر دیتے ہوئے کہا کہ کان کن 4200 فٹ گہرائی میں پھنسے ہوئے ہیں، کان میں پھنسے کان کنوں کے زندہ بچنے کا امکانات بہت کم ہے۔
ان کا مزید کہنا تھا کہ کان میں بجلی کی ایک ہی لائن تھی جو حادثے میں تباہ ہو گئی ، پنکھا چلانے کے لئے بجلی کی دوسری لائن بچھانے اور ملبہ ہٹانے کی وجہ سے امدادی سرگرمیاں تاخیر کا شکار ہوئیں۔
واضح رہے سال 2024ء میں46  کوئلہ کان حادثات میں 82 کان کن جاں بحق ہوئے۔