ملالہ یوسفزئی خواتین کی تعلیم سےمتعلق کانفرنس میں شرکت کیلئے پاکستان پہنچ گئیں

اسلام آباد: پاکستان اوردنیا کی سب سے کم عمر نوبل انعام یافتہ ملالہ یوسفزئی تعلیم سے خواتین کی تعلیم سےمتعلق کانفرنس میں شرکت کیلئے پاکستان پہنچ گئیں۔
خیال رہے کہ لڑکیوں کی تعلیم اور چیلنجز سے متعلق 2روزہ بین الاقوامی کانفرنس آج اسلام آباد میں شروع ہو گی، پاکستان پہنچنے پر پارلیمانی سیکرٹری تعلیم نے ملالہ یوسفزئی کا استقبال کیا،کانفرنس میں ملالہ یوسف زئی خواتین کی تعلیم سے متعلق چینلنجز کے حل کے حوالے سے بات کریں گی،
اس کے علاوہ کانفرنس میں شرکت کے لیے کرغزستان کی وزیرِ تعلیم بھی پاکستان پہنچ چکی ہیں۔
 اوآئی سی کے سیکرٹری حسین ابراہیم طحہٰ کانفرنس میں شرکت کے لیے اسلام آبادمیں موجود ہیں،علاوہ ازاں امریکہ، ملائیشیا، میانمار اور عراق سے وفود کانفرنس میں شرکت کے لئے پاکستان پہنچ گئے ہیں۔
کانفرنس کا اختتام اسلام آباد اعلامیہ پر دستخط کی رسمی تقریب سے ہوگا، گزشتہ روز وفاقی وزیرِ تعلیم ڈاکٹر خالد مقبول صدیقی نے کہا تھا کہ چاروں وزرائے اعلیٰ و صوبائی وزرائے تعلیم بھی تعلیمی کانفرنس میں شریک ہوں گے۔