پاکستانی نژاد برطانوی عازمین حج کے لیے حکومت کی طرف سے بڑی سہولت

اسلام آباد:حکومت پاکستان کی جانب سےپاکستانی نژاد برطانوی حاجیوں کیلئےبڑی سہولت متعارف کروا دی گئی ہے،برطانوی عازمین حج اب بغیر پیشگی بکنگ کے پاسپورٹ اپلائی کرنے کی سہولت سے فائدہ اٹھا سکتے ہیں۔
وفاقی وزیر داخلہ محسن نقوی کی ہدایت پر 2025 میں حج کے خواہشمند افراد کیلئے پاکستانی پاسپورٹس کی پراسیسنگ اور تجدید ترجیحی بنیادوں پر جاری کرنے کا فیصلہ کیا گیا ہے۔
اس سرکاری اسکیم کے تحت 5 ہزار مزید عازمین فریضہ حج ادا کر سکیں گے
پاکستانی نژاد برطانوی حاجیوں کے لئے پاکستان ہائی کمیشن لندن میں بغیر پیشگی بکنگ کے پاسپورٹ اپلائی کرنے کی سہولت متعارف کرادی گئی جبکہ یہ سہولت مانچسٹر، برمنگھم، گلاسگو اور بریڈ فورڈ میں قائم پاکستانی قونصل خانوں میں بھی میسر ہو گی۔
اس حوالے سےپاکستانی ہائی کمشنر ڈاکٹر محمد فیصل کی جانب سے اس فیصلے پر فوری عملدرآمد کرنے کے احکامات جاری کردیے،پاکستان ہائی کمیشن لندن اور قونصلیٹس میں امیدوار بغیر اپوائمنٹ تجدید پاسپورٹ کے لیے رجوع کرسکتے ہیں۔