ملتان ٹیسٹ : پاکستانی ٹیم پہلی اننگزمیں 230 رنز بنا کر آؤٹ ہو گئی

ملتان: ویسٹ انڈیزکے خلاف پہلے ٹیسٹ میچ میں بلے بازی کرتے ہوئےپاکستانی کی ٹیم محض 230رنز تک ہی محدود ہو کر رہ گی اور پوری ٹیم پویلین لوٹ گئی۔
پاکستان اور ویسٹ انڈیز کے درمیان دوٹیسٹ میچوں کی سریز کا پہلا میچ ملتان میں کھیلا جارہا ہے۔
پہلے ٹیسٹ میں پاکستان  دوسرے دن کے کھیل کا آغاز چار وکٹوں کے نقصان پر 143 رنز سے کیا۔
ابتدائی چار کھلاڑیوں کے آؤٹ کے ہونے کے بعد سعود شکیل اور محمد رضوان نے بیٹنگ کو سہارا دیا، پاکستان کی پانچویں وکٹ سعود شکیل کی گری، انہوں نے 84 رنز بنائے۔
اسی طرح 197کےمجموعی  اسکور پر سلمان آغا بھی دو رنز بنا کر بولڈ ہو گئے، 200 کے مجموعی اسکور پر پاکستان کی ساتویں وکٹ نعمان علی کی گری، وہ رن آؤٹ ہوئے۔
جبکہ 200 کے ہی اسکور پر محمد رضوان بھی 71 رنز بنا کر ایل بھی ڈبلیو آؤٹ ہو گئے۔پاکستان کا اسکور 225 پر پہنچا تو خرم شہزاد سات رنز بنا کر کیچ آؤٹ ہو گئے۔
پاکستان کی آخری وکٹ ساجد خان کی 230 کے اسکور پر گری، انہوں نے 18 رنز بنائے، ابرار احمد بغیر کوئی رنز بنائے ناٹ آئوٹ رہے۔
ویسٹ انڈیز کی جانب سے جیڈن سیلز اور جومل ویریکن نے 3،3، کیون نے 2 اور گوداکش موتی نے ایک کھلاڑی کو آؤٹ کیا۔