بجٹ کے فورًابعدحکومت نے پیٹرول کی قیمت میں اضافہ کردیا

تفصیلات کے مطابق  حکومت نے پیٹرولیم مصنوعات کی قیمتوں میں ردو بدل کا اعلان کردیا ہے۔ پیٹرول کی قیمت میں 2 روپے  فی لیٹر اضافہ کردیا گیا ہے ۔جبکہ ڈیزل فی لیٹر 1 روپیہ 44 پیسے  اضافہ کیا گیا ہے۔

سماجی رابطے کی  ویب سائٹ  ٹوئٹر پر ایک پیغام میں معاون خصوصی ڈاکٹر شہباز گل نے کہا ہے کہ  انٹرنیشنل مارکیٹ میں قیمتوں میں اضافے کی وجہ سے اوگرا نے 6 روپے 5 پیسے فی لیٹر پیٹرول کی قیمت میں اضافہ تجویز کیا تھا۔لیکن وزیراعظم نے صرف 2 روپے فی لیٹر اضافے  کی اجازت دی ہے۔ ڈیزل فی لیٹر3 روپے 44پیسے اضافے کی تجویز تھی لیکن صرف ایک روپئیہ چوالیس پیسے اضافے کی اجازت دی گئی ہے۔

انٹرنیشنل مارکیٹ میں قیمتوں میں اضافے کی وجہ سے اوگرا نے 6 روپے 5 پیسے فی لیٹر پیٹرول کی قیمت میں اضافہ تجویز کیا تھا۔لیکن وزیراعظم نے صرف 2 روپے فی لیٹر اضافے کی اجازت دی ہے۔ ڈیزل فی لیٹر3 روپے 44پیسے اضافے کی تجویز تھی لیکن صرف ایک روپئیہ چوالیس پیسے اضافے کی اجازت دی گئی ہے۔ pic.twitter.com/JlxH32hhGJ

— Dr. Shahbaz GiLL (@SHABAZGIL) June 30, 2021

گزشتہ روز اوگرا نے پٹرولیم مصنوعات کی قیمتوں میں اضافے کی سمری حکومت کو ارسال کر دی تھی۔اوگرا کی جانب سے  بھجوائی گئی سمری  میں  ہائی سپیڈ ڈیزل کی قیمت میں 3 روپے اضافے کی سفارش کی گئی ہے جبکہ  پٹرول کی قیمت میں 6 روپے فی لٹر اضافے کی تجویز کی گئی تھی۔سمری موجودہ پٹرولیم لیوی کے مطابق تیار کی گئی تھی ۔

واضح رہے کہ  15 جون 2021  کو  پٹرول کی قیمت میں 2روپے 13پیسے  فی لٹر اضافہ کیا گیا تھا اور پٹرول کی نئی قیمت 110روپے 69 پیسے فی لٹر ہوگئی تھی  ۔ہائی سپیڈ   ڈیزل کی قیمت میں  1روپیہ 79پیسےفی لٹر اضافہ ہو گیا تھا۔مٹی کا تیل  1روپیہ89پیسے اور لائٹ ڈیزل 2روپے3پیسے مہنگا ہو گیا تھا۔