عیدالاضحیٰ: قربانی کی کھالیں جمع کرنے کیلئے ضابطہ اخلاق کا اعلان

تفصیلات کے مطابق  کمشنر، ڈپٹی کمشنر کی اجازت کے بغیر قربانی کی کھالیں جمع نہیں کی جاسکیں گی۔ حکومت سندھ نے ضابطہ اخلاق جاری کردیا ہے۔

حکومت سندھ کا کہنا ہے کہ   قربانی کی کھالیں جمع کرنے کے لیے کیمپ لگانے پر پابندی عائد رہے گی،کھالیں جمع کرنے کے لیے لاوڈ اسپیکر، پارٹی پرچموں کے استعمال پر بھی پابندی عائد ہوگی۔

ضابطہ اخلاق کے مطابق  اسلحہ لے کر چلنے پر پابندی، تمام اجازت نامے معطل رہیں گے۔ زبردستی کھالیں جمع کرنے والوں کے خلاف قانون کے مطابق سخت ایکشن لیا جاے گا۔