امریکہ میں قتل کی انوکھی واردات،سوتیلی ماں نے اپنے دس سالہ بیٹے کی جان لے لی

امریکا میں قتل کی ایک انوکھی واردات سامنے آئی جس میں ایک 154 کلوگرام وزنی خاتون جینیفر لی ولسن نے اپنے 10 سالہ بیٹے کے اوپر بیٹھ کر اسے جان سے مار دیا جس پر عدالت نےخاتون کواسے سزا سنا دی۔
امریکی میڈیا رپورٹس کے مطابق واقعہ گزشتہ برس اپریل میں پیش آیا ،ریاست انڈیانا کی رہائشی خاتون جینیفر لی ولسن اپنے 10 سالہ سوتیلے بیٹے کے اوپر تقریباً 5 منٹ تک بیٹھی رہی جس کے باعث بچہ دم توڑ گیا۔ خاتون کو لاپرواہی دکھانے پر قصوروار پایا گیا۔
رپورٹ کے مطابق سینئیر جج نے جینیفر ولسن کو زیادہ سے زیادہ 6 سال قید کی سزا کا حکم دیا۔
امریکی اخبار ٹائمز آف نارتھ ویسٹ انڈیانا کے مطابق خاتون کی سزا کے آخری سال کو معطل کر دیا گیا ہے، یعنی ولسن اپنی سزا کا آخری سال پروبیشن پر گزار سکتی ہیں۔
جینیفر ولسن نے پولیس کو بتایا کہ ان کا بیٹا خود فرش پر گرا جس کے بعد وہ بچے کی پیٹھ پر بیٹھ گئیں اور کسی سے فون پر بات کرنے لگی۔ بیٹے کی والدہ نے بتایا کہ اس دوران بیٹے نے حرکت کرنا چھوڑ دی،مگر انہیں لگا کہ بیٹا اداکاری کر رہا ہے۔
عدالتی دستاویزات میں کہا گیا کہ جینیفر ولسن نے اپنے بیٹے ڈکوٹا کو بھاگنے سے روکنے کی کوشش یہ عمل کیا تاہم خاتون نے لاپرواہی کا مظاہرہ کرتے ہوئے بیٹے کے اوپر بیٹھ کر اس کی جان لے لی۔
رپورٹ میں بتایا گیا کہ بچے کو فوری طور پر ساؤتھ بینڈ کے ہسپتال منتقل کیا گیا، جہاںدو روز بعد ڈاکٹروں نے اسے دم گھٹنے کی وجہ سے قتل قرار دیتے ہوئے اسے مردہ قرار دیا۔
پوسٹ مارٹم میں یہ بات بھی سامنے آئی کہ دس سالہ سٹیونز کا قد 4 فٹ 10 انچ اور وزن صرف 40 کلو گرام تھا جب کہ خاتون ولسن کا قد 4 فٹ 11 انچ اور وزن 154 کلو گرام تھا۔