آئی سی سی چیمپئنز ٹرافی کیلئے قومی اسکواڈمیں بڑی تبدیلی ، صائم ایوب کی جگہ خوشدل شاہ شامل

لاہور:آئی سی سی چیمپئینز ٹرافی کےحوالے سےسلیکشن کمیٹی اجلاس میں قومی ٹیم اسکواڈ فائنل کرلیا گیا۔
پاکستان کرکٹ بورڈ(پی سی بی )کے مطابق آل راؤنڈر خوشدل شاہ بھی چیمپئنز ٹرافی کے لیے پاکستانی اسکواڈ میں شمولیت کی دوڑ میں شامل ہو گئےہیں۔
پی سی بی ذرائع کا کہنا ہے کہ خوشدل شاہ کو صائم ایوب کی جگہ اسکواڈ میں جگہ ملے گی،جبکہ قومی ٹیم کے ٹیسٹ کپتان شان مسعود کو اسکواڈ میں شامل کرنے کے امکانات کم ہیں۔
ذرائع کا کہنا ہے کہ اسکواڈ کے نام چیئرمین پی سی بی کو بھجوا دیئے گئے ہیں۔
اسکواڈ کا حتمی اعلان چیئرمین پی سی بی کی اجازت کے بعد ایک دو روز میں متوقع ہے۔
آئی سی سی چیمپئینز ٹرافی کے لیے دیگر کھلاڑیوں میں فخرزمان، محمد رضوان، بابر اعظم ، سلمان آغا، کامران غلام، ابرار احمد، سفیان مقیم ،شاہین آفریدی، حارث رؤف اور نسیم شاہ بھی اسکواڈ کا حصہ ہیں، طیب طاہر، محمد حسنین اورعباس آفریدی کو بھی شامل کئے جانے کے امکانات ہیں۔