لاہور: موٹرسائیکل چلانے اور پیچھے بیٹھنے والے دونوں کے لیے ہیلمٹ لازمی قرار

لاہور:سٹی ٹریفک پولیس نے صوبائی دارالحکومت لاہور میں شہریوں کی حفاظت کے لئےاہم فیصلہ کیا گیا ہے۔
ٹریفک پولیس کی جانب موٹر سائیکل چلانے اور پیچھے بیٹھنے والے دونوں کے لئے ہیلمٹ لازمی قرار دیا گیا۔
اس حوالے سے چیف ٹریفک آفیسر(سی ٹی او) لاہور ڈاکٹر اطہر کا کہنا ہے کہ ہیڈ انجری کے بڑھتے واقعات کے پیش نظر ہیلمٹ موٹر سائیکل سواروں کے لئے لازم قرار دیا گیا ہے۔
سی ٹی او کا کہنا ہے کہ آج سے گاڑی چلاتے ہوئے سیٹ بیلٹ ڈرائیور اور ساتھ بیٹھا شخص بھی لگائے گا، جبکہ قانون کی خلاف ورزی کرنے والوں پر جرمانہ عائد کیا جائے گا۔