بھارت میں اسلحہ ساز فیکٹری میں خوفناک دھماکا، 8 افراد ہلاک ،متعدد افراد زخمی

ناگپور:ہندوستان کی ریاست مہاراشٹرا کی اسلحہ ساز فیکٹری میںخوفناک دھماکا ہوا جس کے نتیجے میں 8 افراد ہلاک ہوگئے۔
انڈین میڈیا رپورٹس کے مطابق دھماکا ریاست مہاراشٹرا کے شہر ناگپور میں ایک اسلحہ بنانے والی فیکٹری میں جمعہ کو دھماکا ہوا جس کی آواز تقریباً 5 کلو میٹر دور تک سنی گئی، آرڈیننس فیکٹری میں دھماکا جمعہ کی صبح ساڑھے دس بجے ایل ٹی پی سیکشن میں ہوا جس کی اطلاع ملتے ہی فائر بریگیڈ اور ریسکیو عملہ جائے حادثہ پر پہنچ گیا اور زخمیوں کو فوری اسپتال منتقل کیا۔
رپورٹس کے مطابق فیکٹری دھماکے میں 8 فیکٹری ورکرز ہلاک اور 7 زخمی ہوئے ہیں جس کی تصدیق یونین وزیر کی جانب سے بھی کی گئی ہے۔
فائربریگیڈ حکام کے مطابق دھماکا اس قدر شدید تھا کہ اس سے فیکٹری کی چھت بھی نیچے آگری جس کے نیچے ورکرز دب گئے جن میں سے تین ورکرز کو زندہ نکالا گیا اور ایک ملبے تلے دب کر ہلاک ہوگیا۔