خریداری کرنے کا انوکھا انداز،سعودی لڑکی گھوڑے پر فارمیسی پہنچ گئیں

ریاض:سعودی عرب کی مشہور گھڑ سوار شہد الشمری کی انوکھے انداز میں شاپنگ کرنے کی ویڈیو سوشل میڈیا پر وائرل ہوگئی۔
سوشل میڈیا پر وائرل ہونے والی ویڈیو میں دیکھا جا سکتا ہے کہ گھڑ سوارشہد الشمری ادویات کی خریداری کے لیے گھوڑے پر سوار ہو کر فارمیسی پہنچ جاتی ہیں،ویڈیو میں ان کو گھوڑے پر بیٹھے اسٹور سے من پسند اشیاء کی خریداری کرتے دیکھا جاسکتا ہے۔شہدا لشمری نے گھوڑے پر بیٹھے بیٹھے ہی فارمیسی کا دورہ کیا، شیلف پر رکھی مصنوعات کی جانچ کی اور اپنی پسند کی اشیاء کا انتخاب بھی کیا۔
سعودی خاتون کی یہ ویڈیو کس جگہ کی ہےتاہم ابھی تک یہ واضع نہیں ہوسکا ہے۔
 خیال رہے کہ گھڑ سوار کی یہ پہلی ویڈیو نہیں ہے بلکہ اس سے پہلے بھی شہد الشمری کی ایک ویڈیو منظر عام پر آئی تھی جس میں وہ جازان کے بڑے شاپنگ سینٹر، ہائپر التوفیر میں گھوڑے پر سوار ہو کر مصنوعات کی تشہیر کرتے ہوئے نظر آئیں۔
واضح رہے کہ شاہد الشمری سوشل میڈیا پر باقاعدگی سے اپنی گھڑ سواری کی صلاحیتوں کی ویڈیوز شیئر کرتی رہتی ہیں، جو ان کے فالوورز میں گُھڑ سواری کو فروغ دینے کا باعث بنتی ہیں۔