پی آئی اے نے برطانیہ کے لیے پروازوں کی بحالی کی تیاری شروع کر دی

پاکستان انٹرنیشنل ایئر لائنز (پی آئی اے) نے برطانیہ کے لیے پروازوں کی بحالی کی تیاری شروع کر دی ہے۔
پی آئی اے نے لندن، مانچسٹر اور برمنگھم کے ہوائی اڈوں پر اندرونِ پرواز کیٹرنگ سروس فراہم کرنے کے لیے بولی طلب کر لی ہے۔

لندن کے لیے بولی کے ٹینڈر جمع کروانے کی آخری تاریخ 11 مارچ، برمنگھم کے لیے 12 مارچ اور مانچسٹر کے لیے 13 مارچ مقرر کی گئی ہے۔

پی آئی اے نے کہا ہے کہ متعلقہ حکام سے اجازت ملنے کے بعد وہ برطانیہ کے لیے پروازیں دوبارہ شروع کرنے کا منصوبہ بنا رہی ہے۔

پی آئی اے کے ترجمان نے اس حوالے سے مزید بتایا کہ سی اے اے حکام اس دورے کے بعد برطانیہ کے لیے فلائٹ آپریشن کے بحالی کے لیے پر امید ہیں۔

اس وقت برطانوی ایویشن کا وفد پاکستان کا دورہ کر رہا ہے تاکہ سیفٹی آڈٹ کے بعد فلائٹ آپریشن کی بحالی کے حوالے سے فیصلہ کیا جا سکے۔