لاہور:سہ ملکی کرکٹ سیریز کیلئے آرمی اور رینجرز کی تعیناتی کی منظوری

لاہور:وفاقی وزارت داخلہ نےلاہور میں ہونےوالی سہ ملکی کرکٹ سیریز کیلئے آرمی اور رینجرز کی تعیناتی کی منظوری دے دی۔
وزارت داخلہ کے مطابق5 سے 10 فروری میچز کے دوران آرمی اور رینجرز پنجاب کی ایک، ایک کمپنی تعینات ہوگی، پولیس کی درخواست پر محکمہ داخلہ پنجاب نے وفاقی حکومت کو مراسلہ لکھا تھا۔

سہ ملکی کرکٹ سیریز میں پاکستان، نیوزی لینڈ اورساؤتھ افریقہ کی ٹیمیں شرکت کریں گی۔ 8 اور 10 فروری کے میچز قزافی اسٹیڈیم لاہورمیں ہوں گے۔
ٹورنامنٹ میں شرکت کے لیےپیر اور منگل کی شب نیوزی لینڈ کی کرکٹ ٹیم پاکستان پہنچ جائے گی، پاکستان اور نیوزی لینڈ کی ٹیمیں چھ فروری کو قذافی اسٹیڈیم میں فلڈ لائٹس میں پریکٹس کریں گی جبکہ ساؤتھ افریقہ کی ٹیم سات فروری کو پاکستان پہنچ جائے گی۔
واضح رہے کہ تین ملکی کرکٹ سیریز کا آخری لیگ میچ اور فائنل کراچی میں کھیلا جائے گا۔