9مئی مقدمات:  پی ٹی آئی رہنماؤں زرتاج گل اور خیال احمد کاسترو پر فردجرم عائد

فیصل آباد:انسداد دہشت گردی عدالت(اے ٹی سی( نے نو مئی کے مقدمات میں پاکستان تحریک انصاف (پی ٹی آئی) کے رہنماوّںزرتاج گل اور سابق صوبائی وزیر خیال احمد کاسترو پر فردجرم عائد کر دی ۔
 9 مئی مقدمات کی سماعت فیصل آباد کی انسداد دہشتگردی عدالت میں ہوئی،دوران سماعت پی ٹی آئی رہنما زرتاج گل عدالت میں پیش نہیں ہوئیں، پی ٹی آئی وکیل نے عدالت میں پیش ہو کر حاضری مکمل کرائی۔
اے ٹی سی نے زرتاج گل اور خیال احمد کاسترو پر پولیس وین کو جلانے، توڑ پھوڑ کرنے اور جلاؤ گھیراؤ کیس میں فردجرم عائد کی، عدالت نے فردجرم عائد کرنے کے بعد کیس کی سماعت6 فروری تک ملتوی کر دی۔
خیال رہےکہ9مئی واقعات پر سابق وفاقی وزیر زرتاج گل اور سابق صوبائی وزیر خیال احمد کاسترو پر تھانہ سول لائن کے علاقے میں پولیس وین کو جلانے، توڑ پھوڑ کرنے اور جلاؤ گھیراؤ کا مقدمہ درج ہے۔
جبکہ اس سے قبل 29 جنوری کو بھی فیصل آباد کی انسداد دہشتگردی عدالت نے پی ٹی آئی رہنماؤں عمر ایوب، شبلی فراز، فواد چودھری، کنول شوذب سمیت دیگر پر بھی فردجرم عائد کی تھی۔