آئی سی سی چیمپئنز ٹرافی  میں پاک بھارت میچ کے ٹکٹس کتنے ارب میں فروخت ہوئے؟ 

دبئی: آئی سی سی چیمپئنز ٹرافی میں23 فروری کو دبئی میں پاک بھارت ہائی وولٹیج میں کے ٹکٹس کی ریکارڈ فروخت ہوئی ہے۔
دبئی میںہو نے والے پاک بھارت میچ کے ٹکٹس تین ارب ، 40 کروڑ روپے میں فروخت ہوئے۔
اسی طرح چیمپئنز ٹرافی کے دیگر میچزکے ٹکٹس کی بھی حیران کن فروخت ہوئی ہے اور دبئی میں تمام میچزکےٹکٹ 88.55 ملین درہم میں فروخت ہوچکے ہیں۔
پاکستان اور بھارت کے مابین کھیلے جانے والے میچ کی ٹکٹوں کی قیمت 500 درہم سے 12ہزار 500 درہم تک تھی۔
 پاک بھارت میچ کے ٹکٹس 45.56 ملین درہم میں فروخت ہوئے جو کہ پاکستانی روپے میں 3 ارب 40 کروڑ روپے سے زائد بنتی ہے۔
 دبئی اسٹیڈیم میں 25 ہزار شائقین کرکٹ کے بیٹھنے کی گنجائش ہے۔
ٹورنامنٹ کا آغاز 19 فروری کو کراچی کے نیشنل اسٹیڈیم میں ہو گا، جہاں پاکستان اور نیوزی لینڈ کے درمیان افتتاحی میچ کھیلا جائے گا ، ٹورنامنٹ میں پاکستان، بھارت، آسٹریلیا، انگلینڈ، جنوبی افریقا، بنگلہ دیش، افغانستان اور نیوزی لینڈ کی ٹیمیں شرکت کریں گی۔