بابر اعظم بڑی پریشانی میں گِھر گئے،کونسی اہم چیز چوری ہو گئی؟

لاہور:پاکستان کرکٹ ٹیم کے سابق کپتان اور مایہ ناز بلے باز بابر اعظم نے اپنے مداحوں کو بُری خبر سنا دی۔
بابر اعظم نے فوٹو اینڈ ویڈیو شیئرنگ پلیٹ فارم انسٹاگرام پر اسٹوری شیئر کرتے ہوئے فالوورز کو اپنی پریشانی سے آگاہ کیا ہے۔
فوٹو اینڈ ویڈیو شیئرنگ پلیٹ فارم انسٹاگرام پر بابر اعظم نے انسٹا اسٹوری شیئر کرتے ہوئے انہوں نے شائقین کو آگاہ کیا ہے کہ ’’میرا موبائل فون گم ہو گیا ہے۔‘‘
بابر اعظم نے مزید لکھا ہے کہ فون گم ہو جانے کے باعث میں نے اپنے تمام رابطہ نمبر بھی کھو دیے ہیں۔ جیسے ہی فون اور تمام نمبرز مل جائیں گے تو میں سب سے دوبارہ رابطہ کروں گا۔
خیال رہے بابر اعظم کے موبائل فون چوری ہونے کا واقعہ ان دنوں پیش آیا ہے جب چمپینیئز ٹرافی اور سہ ملکی سیریز کے میچز کے لیے دوسری ٹیمیں پاکستا ن پہنچ رہی ہیں۔
واضح رہے کہ  چمپینیئز ٹرافی سے قبل پاکستان ،جنوبی افریقہ اور نیوزی لینڈ کے درمیا ن سہ ملکی سیریز شیڈول ہے جس کا پہلا میچ 8 فروری کو قذافی اسٹیڈیم لاہور میں کھیلاجائے گا، چمپینیئز ٹرافی19 فروری سے 9 مارچ تک شیڈول ہے جو کہ ہائیبرڈ ماڈل کےتحت پاکستان اور یواے ای میں کھیلی جائے گی۔