پارلیمانی کمیٹی برائے قومی سلامتی کے اجلاس کی اندرونی کہانی

ذرائع جی این این کے مطابق پارلیمانی کمیٹی برائے قومی سلامتی کے اجلاس میں افغانستان کے معاملے پر ہر سوال کا جواب آرمی چیف جنرل قمر جاوید باجوہ نے دلائل اور بیک گراؤنڈ کے ساتھ دیا۔

یہ بھی پڑھیں : اس بار ہوائی اڈے نہیں دیں گے ، آرمی چیف جنرل قمر جاوید باجوہ

ڈی جی آئی ایس آئی لیفٹیننٹ جنرل فیض حمید نے متحارب افغان گروہوں کو ایک میز پر لانے بارے رابطوں اور ملاقاتوں بارے اعتماد میں لیا۔ تفصیلی جوابات پر بعض مواقع پر شرکاء ڈیسک بھی بجاتے رہے۔اپوزیشن لیڈر شہباز شریف کا کہناتھاکہ  ایسی بریفنگز ہوتی رہنی چاہیے بہت سے خدشات دور ہوگئے۔  افغانستان کی صورتحال پر حقائق کھل کر سامنے آ گئے اس پر مطمئن ہیں۔ 

یہ بھی پڑھیں :عید 20 جولائی کو ہوگی ، چھ چھٹیاں ملیں گے

عسکری قیادت کا یہ بھی کہناتھاکہ ہمارا کیمپ بس پاکستان ہے اب ہم کسی کیمپ کا حصہ نہیں ہیں۔ افغانستان کے مسئلے کا کوئی فوجی حل نہیں امریکہ کو بھی پتہ چل گیا۔ افغان مسئلہ سیاسی انداز میں بات چیت سے ہی حل ہوگا ۔ عسکری قیادت کا مزید کہناتھاکہ ہم کسی کی لڑائی اب نہیں لڑینگے۔  ماضی میں ہمارا بہت زیادہ جانی و مالی نقصان ہوا۔ ماضی میں جو ہوتا رہا وہ اب نہیں ہوگا۔عسکری قیادت  کا کہناتھاکہ پاکستان کی سلامتی اور خود مختاری سب سے مقدم ہے۔ ارد گرد کی لڑائیوں میں نہیں پڑنا چاہتے۔

یہ بھی پڑھیں : موٹر وے پر سفر کرنے والوں کیلئے نہایت بری خبر

افغان عوام پر چھوڑ دیا جائے کہ وہ کس کو منتخب کرتے ہیں۔ افغانستان میں ہمارا کوئی فیورٹ نہیں عوام کو فیصلہ کرنا ہے۔ یہی پالیسی امریکہ سمیت سب بات کرنے والوں کے سامنے رکھتے ہیں۔