کراچی کے شہریوں کے لیے بڑی سہولت،میٹرو کارپوریشن کی تمام پارکنگ سائٹس مفت کرنے کا فیصلہ

کراچی :شہر قائد کے شہریوں کی سہولت کے لیے کراچی میٹروپولیٹن کارپوریشن (کے ایم سی) نے تمام پارکنگ سائٹس مفت کرنے کا فیصلہ کر گیا ہے۔
میئر کراچی مرتضیٰ وہاب نے میڈیا سے گفتگو کرتے ہوئے کہا کہ پارکنگ سائٹس مفت کرنے کا فیصلہ عوامی مفاد میں کیا گیا ہے۔انہوں نے کہا کہ کے ایم سی اب اپنے پیروں پر کھڑی ہے، اور اس وقت کے ایم سی کے اکاؤنٹ میں 2 ارب روپے سے زائد رقم موجود ہے، اور مزید کی توقع ہے اس لیے کے ایم سی کو 4 سے 5 کروڑ روپے کی ضرورت نہیں۔
مئیر کراچی کا کہنا تھا کہ جلد نوٹیفکیشن جاری کر کے شہریوں پر پارکنگ فیس کا بوجھ ہٹا دیا جائے گا،جبکہ کے ایم سی کے نام پر غیر قانونی پیسے وصول کرنے والوں کے خلاف قانونی ایکشن لیا جائے گا۔
مرتضیٰ وہاب نے کہا کہ 106 مرکزی سڑکوں میں سے 46 پارکنگ سائٹس سے فیس وصول نہیں کی جائے گی۔ جبکہ شہر کے 25 ٹاؤنز اور 6 کنٹونمنٹ بورڈز میں پارکنگ فیس برقرار رہے گی۔
مرتضی وہاب نے کہا کہ ے ایم سی کے مالی حالات مستحکم ہیں، عوام کو سہولت فراہم کرنا ہماری اولین ترجیح ہے۔