سہ ملکی سیریز: حارث رؤف کی جگہ عاکف جاوید قومی ٹیم میں شامل

لاہور:سہ ملکی سیریزمیں پاکستان کرکٹ بورڈ (پی سی بی) نے فاسٹ باؤلرحارث رؤف کی جگہ عاکف جاوید کوٹیم میں شامل کرلیا۔
قومی فاسٹ باؤلر حارث روف انجرڈ ہونے کی وجہ سے سہ فریقی سیریز کے بقیہ میچز میں حصہ نہیں لیں گے۔
 یاد رہے کہ سہ فریقی سیریز کے پہلے میچ میں فاسٹ بولر حارث رؤف نیوزی لینڈ کے خلاف 37ویں اوور میں بولنگ کرواتے ہوئے انجری کا شکار ہو کر اوور مکمل کروائے بغیر میدان سے ہابر چلے گئے تھے۔ 
کستان اور جنوبی افریقہ کے درمیان سیمی فائنل کی صورت اختیار کرجانے والا میچ کل کراچی میں کھیلا جائے گا اور میچ کی فاتح ٹیم 14 فروری کو نیوزی لینڈ سے فائنل کھیلے گی۔
پی سی بی کے مطابق ایم آر آئی اور ایکسرے رپورٹس کے مطابق حارث رؤف کو سینے کی نچلی طرف کھچاؤ ہے،پاکستان کرکٹ بورڈ کا کہنا ہے کہ حارث رؤف کی انجری سنجیدہ نوعیت کی نہیں اور وہ آئی سی سی چیمپئنز ٹرافی کے لیے دستیاب ہوں گے۔