کراچی امیگریشن حکام کی کارروائی، بیرون ممالک جانے والے 86 مسافر آف لوڈ 

کراچی ائیرپورٹ پر امیگریشن حکام کارروائی کرتے ہوئے بیرون ممالک جانے والے مزید 86 مسافر کو آف لوڈ کر دیا جن 7 افراد اسٹوڈنٹ ویزا ہولڈر تھے۔
امیگریشن ذرائع کے مطابق گزشتہ 48 گھنٹوں کے دوران کراچی ائیرپورٹ سے اسٹوڈنٹ ویزا کے حامل 7 افراد سمیت 86 مسافروں کو مختلف وجوہات کی بنا پر آف لوڈ کردیا گیا۔
حکام نے مزید بتایا کہ کراچی سے سعودی عرب جانے والے 30 عمرہ زائرین کو ایڈوانس ہوٹل بکنگ اور اخراجات کے لیے معقول رقم ساتھ نہ ہونے پر سفر کرنے کی اجازت نہیں دی گئی۔
اسی طرح کراچی سے اسٹوڈنٹ یا اسٹڈی ویزوں پر قبرص، برطانیہ، آذربائیجان اور کرغزستان جانے والے7 نوجوانوں کو آف لوڈ کردیا گیا،اس کے علاوہ سعودیہ، عمان، آذربائیجان، ملاوی، کانگو، بحرین، ملائشیا، انڈونیشیا، جنوبی افریقہ، تھائی لینڈ، ترکی اور زمبابوے کے ٹورسٹ وزٹ ویزوں پر سفر کرنے والے افراد کو بھی آف لوڈ کردیا گیا۔
حکام کے مطابق قطر، ترکی اور سعودیہ ورک ویزوں کے بلیک لسٹ افراد کو بھی آف لوڈ کیا گیا۔