آئی سی سی چیمپئنز ٹرافی کے لیےبھارتی صحافیوں کو ویزے جاری

لاہور:آئی سی سی چیمپئنز ٹرافی کے لیے بھارتی صحافیوں کو ویزے جاری کر دیئے گئے۔
ذرائع کے مطابق آئی سی سی چیمپئنز ٹرافی کے لیے 7 بھارتی صحافیوں کو ویزے جاری کیے گئے ہیں، جبکہ ویزا کی درخواست دینے والے  کسی بھی بھارتی صحافی کا ویزا مسترد نہیں کیا گیا۔
واضح رہے کہ پاکستان کی میزبانی میںہائبرڈ ماڈل کے تحت ہونے والی چیمپئنز ٹرافی 19 فروری سے شروع ہونے جا رہی ہے جس میں پاکستان، بھارت، آسٹریلیا اور افغانستان سمیت 8 ٹیمیں شرکت کر رہی ہیں۔
ٹورنامنٹ کا پہلا میچ پاکستان اور نیوزی لینڈ کے درمیان کھیلا جائے گا جبکہ پاکستان اور بھارت کے درمیان بڑا ٹاکرا 23 فروری کو دبئی میں کھیلا جائے گا۔