پاکستان میں سونے کی قیمت ملکی تاریخ کی بلند ترین سطح پر پہنچ گئی

 پاکستان میں سونے کی قیمت میں زبردست اضافہ ریکارڈ کیا گیا۔ مقامی مارکیٹ میں سونے کی فی تولہ قیمت میں 3,800 روپے کا اضافہ ہوا، جس کے بعد نئی تاریخی بلند ترین سطح 3 لاکھ 8 ہزار روپے پر پہنچ گئی۔

اسی طرح، 10 گرام سونے کی قیمت میں 3 ہزار 258 روپے کا اضافہ ہوا، جس کے بعد یہ 2 لاکھ 64 ہزار 060 روپے پر فروخت ہوا۔

واضح رہے کہ منگل کے روز سونے کی فی تولہ قیمت میں ایک ہزار روپے کا اضافہ ہوا تھا، جس کے بعد یہ قیمت 3 لاکھ 4 ہزار 200 روپے پر پہنچ گئی تھی۔

عالمی سطح پر سونے کی قیمت 2,944 ڈالر فی اونس رہی، جس میں 34 ڈالر کا اضافہ ہوا، جبکہ اس میں 20 ڈالر کا پریمیم شامل تھا۔

دوسری جانب، چاندی کی قیمت میں بھی اضافہ دیکھنے میں آیا، جو 90 روپے اضافے کے بعد 3,440 روپے فی تولہ ہو گئی۔