چیمپئنز ٹرافی:بنگلہ دیش کی بیٹنگ لائن بری طرح فلاپ، نیوزی لینڈ کو 237 رنز کا ہدف 

راولپنڈی:آئی سی سی چیمپئنز ٹرافی گروپ بی کے میچ میں بنگلہ دیش کی بیٹنگ بری طرح لڑکھڑا گئی اورمقررہ پچاس اوورز میں محض 236 رنز ہی بنا سکی۔
راولپنڈی میں کھیلے جانے والے میچ میں نیوزی لینڈ نے ٹاس جیت کر پہلے فیلڈنگ کرنے کا فیصلہ کیا تھا جو کہ درست ثابت ہوا اور بنگلہ دیش کی ٹیم 9 وکٹوں کے نقصا ن پر محض 236 رنز تک محدودرہی۔
بنگلہ دیش کی جانب سےنجم الحسین شانتو 77رنز بنا کر نمایاں رہے،ذاکر علی 45اور رشاد حسین نے 26 رنز بنائے۔
نیوزی لینڈ کے مائیکل بریسویل نےشاندار باوّلنگ کا مظاہرہ کرتے ہوئے 4کھلاڑیوں کو آوٹ کیا جبکہ  ول او رورکے نے 2 کھلاڑیوں کو آؤٹ کیا۔
دوسری جانب پاکستان کی روایتی حریف بھارت سے شکست کے بعد سیمی فائنل تک رسائی کی امیدیں دوسری ٹیمو ں کی اگر مگر سے جڑ گئیں ہیں، اگر آج کے میچ میں نیوزی لینڈ بنگلہ دیش کو ہرا دیتا ہے تو پاکستان آفیشلی طور پر سیمی فائنل کی دور سے باہر ہو جائے گا۔
واضح رہے کہ گزشتہ روز دبئی میںکھیلے جانے والے میچ میں روایتی حریف بھارت نے پاکستان کو باآسانی چھ وکٹوں سے شکست دی تھی، جس کے بعد قومی ٹیم کی سیمی فائنل تک رسائی کے امکانات نہ ہونے کے برابر ہیں، گروپ اسٹیج میں قومی ٹیم کی یہ دوسری شکست ہے۔دوسری جانب بھارت نے گروپ اسٹیج کے دو مییچز میں کامیابی حاصل کر کے سیمی فائنل تک رسائی حاصل کر لی ہے۔