چیمپئنز ٹرافی:پاکستان اور بنگلہ دیش کےدرمیان بے معنی میچ آج کھیلاجائے گا 

راولپنڈی :آئی سی سی چیمپئنز ٹرافی سے باہر ہونے والی پاکستانی کرکٹ ٹیم آج بنگلہ دیش سے مقابلہ کرے گی۔
دونوں ٹیموں کے درمیان میچ دوپہر دو بجے رالپنڈی میں شروع ہو گا، میچ میں بارش کا بھی رنگ میں بھنگ ڈالنے کا امکان ہے، راولپنڈی میں بارش کے باعث دونوں ٹیموں کا پریکٹس سیشن بھی منسوخ کردیا گیا ہے۔
پاکستان کرکٹ کی ٹیم کو وکٹ کیپر بلے باز محمد رضوان لیڈ کریں گے جبکہ بنگلہ دیش کرکٹ کی ٹیم نجم الحسین شانتو کی زیر قیادت میدان میں اترے گی۔
 دونوں ٹیموں کا آج ایونٹ میں آخری میچ ہوگا، اب تک کھیلے گئے میچز میں پاکستان اور بنگلہ دیش دونوں کو ہی نیوزی لینڈ اور بھارت کے ہاتھوں شکست کا سامنا کرنا پڑا ہے،جس کے باعث دونوں ٹیمیں ایونٹ کےسیمی فائنل کی دور سے باہر ہو چکی ہیں۔