دارالعلوم حقانیہ اکوڑہ خٹک میں ہونےوالے خودکش حملے کا مقدمہ سی ٹی ڈی میں درج

نوشہرہ: دارالعلوم حقانیہ اکوڑہ خٹک کی جامع مسجد میں نماز جمعہ کے بعد خارجی راستے میں ہونے والے خود کش دھماکے کا مقدمہ درج کرلیا گیا۔
دارالعلوم حقانیہ نوشہرہ میں خود کش حملے کا مقدمہ مولانا حامد الحق حقانی کے بیٹے عبدالحق ثانی کی مدعیت میں محکمہ انسداد دہشتگردی (سی ٹی ڈی) مردان میں نامعلوم ملزمان کے خلاف درج کیا گیا۔
مقدمے میں انسدادِ دہشت گردی ،قتل سمیت دیگردفعات شامل کی گئی ہیں،سی ٹی ڈی کی جانب سے خودکش بمبار کی شناخت میں عوام سے مدد کی اپیل کی گئی ہے۔
سی ٹی ڈی کی جانب سے اعلان کیا گیا ہے اطلاع دینے والے کے لیے 5 لاکھ روپے انعام کا اعلان بھی کیا گیا ہے۔
واضح رہے کہ کل نماز جمعہ کے بعد ہونے واکے خود کش دھماکے میں جے یو آئی (س) کے سربراہ مولانا حامد الحق حقانی سمیت 8افراد شہید اور 17سے زیادہ زخمی ہوئے تھے۔