بھارت نےنیوزی لینڈکو 44 رنز سے شکست دے دی

آئی سی سی چیمپئنز ٹرافی میں گروپ سٹیج کےآخری میچ میں بھارت نےنیوزی لینڈ کو 44 رنز سے شکست دیدی۔
بھارت اور نیوزی لینڈ کےمابین میچ دبئی انٹر نیشنل کرکٹ سٹیڈیم میں کھیلا گیا جہاں کیویز نے بھارت کےخلاف ٹاس جیت کرفیلڈنگ کا فیصلہ کیا۔

بھارت کے شری یاس ایئر نے سب سے زیادہ 79رنز کی اننگ کھیلی، ہاردک پانڈیا نے 2 چھکوں اور 4 چوکوں کی مدد سے 45 رنز بنائے جبکہ اکثر پٹیل نے 42 رنز اسکور کیے۔نیوزی لینڈ کی جانب سے فاسٹ بولر میٹ ہنری نے شاندار بولنگ اور 42 رنز کے عوض پانچ کھلاڑیوں کو آؤٹ کیا۔250رنز کے ہدف کے جواب میں نیوزی لینڈ کی ٹیم 46 ویں اوور میں205 رنز بنا کر آؤٹ ہوگئی۔نیوزی لینڈ کی جانب سے کین ولیمسن 81 رنز بناکر نمایاں رہے ، انہوں نے اپنی اننگز میں 7 چوکے لگائے۔ ان کے علاوہ مچل سینٹنر نے28، ول ینگ نے 22  اور  ڈیرل مچل نے 17 رنز بنائے۔ٹام لیتھم 14 اور گلین فلپس 12 رنز بناکر آؤٹ ہوئے۔

بھارتی ٹیم نےپہلےبیٹنگ کرتے ہوئےمقررہ50 اوورزمیں9 وکٹوں کے نقصان پر249 رنز اسکور کیے۔
نیوزی لینڈ کےخلاف بھارت کا ٹاپ آرڈر مشکلات کاشکار رہا اوربھارتی ٹیم کے تین کھلاڑی30 رنز پرہی پویلین لوٹ گئے،شبھمن گل 2،روہت شرما15 اور ویرات کوہلی11 رنز بناکر آؤٹ ہوئے۔

بھارت کی جانب سے  ورون چکرورتی نے 42 رنز دے کر 5 کھلاڑیوں کو آؤٹ کیا۔ ان کے علاوہ کلدیپ یادو نے 2، ہاردک پانڈیا، اکشرپٹیل اور جدیجا نے ایک ایک وکٹ لی۔
بھارت، نیوزی لینڈ، آسٹریلیا اور جنوبی افریقا کی ٹیمیں ٹورنامنٹ کے سیمی فائنل میں پہنچ چکی ہیں ۔