پنجاب بھر میں غیر محفوظ 8 ادویات کے استعمال پر پابندی عائد

پنجاب میں غیر محفوظ 8 ادویات کے استعمال پر پابندی لگا دی گئی۔

چیف ڈرگ کنٹرولر پنجاب نے میڈیکل اسٹورز اور فارمیسز کو غیر محفوظ 8 ادویات فروخت کرنے سے روک دیا ہے جب کہ تمام ڈرگ انسپیکٹرز کو ادویات کا اسٹاک قبضے میں لینے کا حکم دے دیا ہے۔

مراسلے میں بیکٹریکل انفکیشن کے لیے استعمال ہونے والی گولی فلیجل بھی غیر معیاری قرار دی گئی ہے جب کہ مختلف بیماریوں میں درد کم کرنے والے انجیکشن ٹراما ڈول کو بھی مضر صحت قرار دیا گیا ہے۔

مراسلے میں بتایا گیا ہے کہ کراچی کسٹمز حکام نے غیر رجسٹرڈ  درد کش ادویات کے 7 بیچ پکڑے ہیں جب کہ ڈرگ ریگولیٹری اتھارٹی آف پاکستان نے 7 مخصوص بیچ کے استعمال پر پابندی عائد کی ہے۔

مراسلے کے مطابق آئی وی کینولا اور بیکٹریکل انفکیشن کا انجیکشن میٹرنیڈوزل بھی غیر معیاری قرار دیا گیا۔