وزیراعظم عمران خان کا نو منتخب ایرانی صدر ابراہیم رئیسی کو فون ،دورہ پاکستان کی دعوت

وزیراعظم آفس سے جاری ہونے والے اعلامیے   کے مطابق وزیراعظم عمران خان نے مبارک دیتے ہوئے کہا ہے کہ ابراہیم رئیسی کی کامیابی ایران کے لوگوں کا ان پر اعتماد کا مظہر ہے۔ ٹیلی فونک گفتگو کے دوران  دونوں رہنماؤں نے دو طرفہ تعلقات پر اطمینان کا اظہارکیا ہے اور دونوں رہنماؤں کا معاشی تعاون بڑھانے پر اتفاق کیا ہے ۔

یہ بھی پڑھیں :سائبر حملوں میں روس ملوث ہوا تو جواب دیا جائیگا، بائیڈن

اس موقع پر دونوں رہنماؤں نے موجودہ اقتصادی تعاون کو مزید فروغ دینے پر بھی اتفاق کیا ہے ۔ پاک ایران سرحد کیساتھ سرحدی منڈیوں کا قیام ایک اہم اقدام ہے۔ سرحدی منڈیوں  سےدونوں ممالک کے عوام کو  فوائد حاصل ہوں گے۔

یہ بھی پڑھیں : پاکستان میں عید کب ہوگی، محکمہ موسمیات نے پیشگوئی کردی

وزیراعظم عمران خان نے افغانستان کی بگڑتی سکیورٹی صورتحال پر تشویش کا اظہارکیا اور ایرانی صدر ابراہیم رئیسی سے گفتگو کے دوران پاکستان ، ایران کے سرحدی علاقوں کی طرف پناہ گزینوں  کی آمد  کے حوالے سے بات چیت بھی کی ہے ۔

یہ بھی پڑھیں : ہوائی اڈے نہیں دیں گے ، آرمی چیف جنرل قمر جاوید باجوہ

وزیراعظم عمران خان کا کہناتھا کہ ان حالات میں پناہ گزینوں کی آمد متوقع ہے اورپناہ گزینوں کی آمد پاکستان اور ایران دونوں کیلئے سنگین خطرہ پیدا کر سکتی ہے۔وزیر اعظم عمران خان نے افغان تنازع  مذاکرات  سیاسی حل کی ضرورت پر زور دیا ہے ۔ دونوں رہنماؤں نےافغان تنازع سیاسی تصفیے کی سہولت کوجاری رکھنے کی ضرورت پرزور دیا ۔

یہ بھی پڑھیں : عید الضحیٰ ، این سی او سی نے نئی پابندی عائد کر دی

اس موقع پر وزیر اعظم نےمسئلہ  کشمیر پر ایران کی مستقل حمایت پر شکریہ ادا کیا۔ وزیراعظم نے مقبوضہ کشمیر، فلسطین میں انسانی حقوق کی سنگین صورتحال پر تشویش کا اظہارکیا ہے ۔ ٹیلی فونک رابطے کے دوران دونوں رہنماؤں نے ایک دوسرے کو سرکاری دوروں کی دعوت دی ۔ دونوں رہنماؤں نے اعلیٰ سطح کے تبادلے کو برقرار رکھنے پر اتفاق کیا گیا۔