کراچی سمیت سندھ بھر کے تمام سی این جی اسٹیشن کھل گئے

تفصیلات کے مطابق سندھ بھر میں جاری گیس بحران شدت  اختیار کرنے کے بعد  سوئی سدرن گیس کی جانب سے  سندھ میں 22 جون سے  گیس اسٹیشن  بند کردئیے گئے تھے ۔ تاہم دوہفتے بعد آج صبح تمام سی این جی اسٹیشنز  کھول دیئے گئے ہیں۔ کراچی میں سی این جی اسٹیشنز  کھلنے کے اعلان کے بعد رات گئے سے ہی سی این جی اسٹیشنز کے باہر لوگ گیس کے حصول کیلئے اپنی گاڑیوں میں موجود ہیں۔اس سے قبل سوئی سدرن گیس کمپنی (ایس ایس جی سی) کی جانب سے جاری بیان میں سندھ بھرکے سی این جی اسٹیشنز 9 جولائی تک بند رکھنے کا فیصلہ کیا گیا تھا ۔

دوسری جانب ایل این جی پر جی ایس ٹی کی شرح بڑھنے کے سبب  سی این جی کی قیمت میں 30 روپے فی کلو اضافہ ہواہے، سی این جی ایسوسی ایشن نے ہنگامی اجلاس طلب کرتے ہوئے معاملہ وفاقی حکومت کے سامنے اٹھانے کا فیصلہ کیا ہے ۔