آئی سی سی ون ڈے پلیئرز رینکنگ جاری ،بابر اعظم کا کونسا نمبر ہے؟

دبئی: انٹرنیشنل کرکٹ کونسل (آئی سی سی) نے ون ڈے پلیئرز کی نئی رینکنگ جاری کر دی۔
آئی سی سی کی جانب سے جاری کر دہ نئی رینکنگ کے مطابق ون ڈے میں بلے بازوں کی فہرست میں بھارتی کھلاڑی شبھمن گل کا پہلا نمبر برقرار ہے۔ جبکہ بابر اعظم دوسری پوزیشن پر ہیں، جبکہ بھارتی کپتان روہت شرما دو درجہ بہتری کے بعد تیسرے نمبر پر آگئے۔
اسی طرح جنوبی افریقہ کے ہینرک کلاسن کا چوتھا اور ویرات کوہلی پانچویں نمبر پر ہیں۔
ون ڈے میں بالز رینکنگ میں سری لنکا کے مہیش تھیکشانہ پہلی پوزیشن پر آ گئے۔ جبکہ نیوزی لینڈ کے کپتان مچل سینٹنرآئی سی سی چیمپینز ٹرافی میں بہترین کھیل پیش کرنے کے بعد 6 سے دوسرے نمبر پر پہنچ گئے، جبکہ بھارتی اسپن بالر کلدیپ یادیو تین درجہ بہتری کے بعد تیسرے نمبر پر آ گئے۔
 اسیی طرح جنوبی افریقہ کے کیشو مہراج چوتھے اور نامیبیا کے برنارڈ اسکالٹز پانچویں نمبر پر آ گئے۔ 
فہرست میں قومی ٹیم کے فاسٹ باؤلر شاہین شاہ آفریدی نویں نمبر پر ہیں۔
ون ڈے آل راؤنڈز رینکنگ میں افغانستان کے عظمت اللہ عمرزئی پہلے نمبر پر برقرار ہیں۔ اور افغانستان کے ہی محمد نبی دوسرے اور زمبابوے کے سکندر رضا تیسری پوزیشن پر ہیں،نیوزی لینڈ کے کپتان مچل سینٹنر ایک درجہ بہتری کے ساتھ چوتھے نمبر پر آگئے۔