سونے کی قیمت ایک بار پھر ملکی تاریخ کی بلند ترین سطح پر،فی تولہ کتنے کا ہو گیا؟

کراچی:عالمی و مقامی مارکیٹوں میں سونے کی قیمتوں میں ایک دفعہ پھراضافہ ہوگیا، جس کے سونے کی قیمت ملکی تاریخ کی بلند ترین سطح پر پہنچ گئی۔
ٓآل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روز ملک میں سونے کی قیمت میں 2800 روپے کا اضافہ دیکھا گیا ہے جس کے بعد 24 گرام سونے کی فی تولہ قیمت 3لاکھ 9ہزار 300روپے کی بلند ترین سطح پر آگئی۔
اسی طرح فی 10 گرام سونے کی قیمت 2400 روپے بڑھ کر 2 لاکھ 65 ہزار 174روپے کی بلند ترین سطح پر آگئی۔
دوسری جانب عالمی  مارکیٹ میں فی اونس سونے کی قیمت 27 ڈالر کے اضافے سے 2942 ڈالر کی سطح پر آگئی۔