بغیر اجازت حج کے مقامات پر جانےو الوں پر بھاری جرمانہ عائد ہوگا، سعودی ذرائع

سعودی عرب کی سرکاری خبررساں ایجنسی ایس پی اے کے مطابق وزارت داخلہ کے ایک عہدیدار نے بتایا کہ ایام حج میں مسجد الحرام اس  کے آس پاس کے مقامات اور مشاعر مقدسہ  میں جانے کے لیے مجاز حکام کا جاری کردہ اجازت نامہ ضروری ہوگا۔ وزارت داخلہ کے ترجمان نے بتایا کہ پانچ جولائی 2021 سے 23 جولائی  تک یہ پابندی نافذ العمل ہوگی ، اس کی خلاف ورزی کے مرتکبین  پر 10 ہزار ریال جرمانہ عائد کیا جائیگا۔ 

یہ بھی پڑھیں : پاکستان میں عید کب ہوگی، محکمہ موسمیات نے پیشگوئی کردی

وزارت داخلہ نے تمام سعودی اور غیر ملکی شہریوں کو ہدایت کی ہے کہ وہ حج موسم سے متعلق سرکاری ہدایات پر عمل کریں ۔ ان پابندیوں پر عملد راآمد کے لیے ہائی لیول سیکیورٹی مختلف مقامات پر تعینیات کردی گئی ہے ۔تمام راستوں اور گزرگاہوں پر نظر رکھی جائیگی ۔ بغیر اجازت ناموں داخل ہونے والوں کو فوری تعین کیا جاسکے گا۔

واضح رہے کہ رواں سال صرف سعودی عرب کے شہریوں اور سعودی عرب میں مقیم غیر ملکی شہریوں کو حج کی اجازت دی گئی ہے ، کورونا کے باعث دوسرے ممالک سے حج کے آنے والوں پر پابندی عائد کی گئی ہے ،کورونا کی صورتحال بہتر ہونے کے بعد ممکنہ طور آئندہ سال بیرونی ممالک کے یہ پابندی ختم کردی جائیگی ۔

عازمین حج کیلئے خوشخبری