کورونا کی ایک اورنئی خطرناک قسم "لیمبڈا " سامنے آگئی

تفصیلات کے مطابق دنیا بھر میں کورونا وائرس   سے ہلاکتوں اور نئے متاثرین کا سلسلہ جاری ہے، حال ہی میں  کورونا وائرس    کی ایک اور قسم  سامنے آئی ہے ، برطانوی میڈیا کے مطابق یہ نیا " لیمبڈا ویرینٹ"  اصل کورونا وائرس کی نسبت پھیلاؤ کی زیادہ صلاحیت رکھتا ہے۔ سائنس دانوں کا کہناہےکہ کورونا کی نئی قسم ڈیلٹا، ایلفا اور گاما اقسام سے بھی زیادہ پھیلتی ہے، لیمبڈا وائرس کورونا ویکسین کے خلاف بھی زیادہ مزاحمت کی صلاحیت رکھتا ہے۔جن ممالک میں ابھی تک کورونا سے تحفظ کیلئے ویکسین کا عمل مکمل نہیں ہوسکا ہے وہاں اس کے پھیلنے کے  امکانات زیادہ ہیں  ، جہاں  دنیا بھر میں کورونا سے بچاؤ کیلئے ویکسینیشن کا عمل  جاری ہے  وہیں کورونا کی نئی اقسام بھی اسی تناظر میں سامنے آرہی ہیں ۔ 

کورونا کی لیمبڈا قسم سب سے پہلے "پیرو " میں دسمبر میں  سامنے آئی تھی  جو کہ اب  چلی سمیت 27 ملکوں میں پھیل چکی ہے۔

پبلک ہیلتھ آف انگلینڈ کے مطابق برطانیہ میں 23 فروری سے 7 جون کے درمیان لیمبڈا وائرس کے 6 کیس رپورٹ ہوچکے ہیں جن میں سے پانچ غیرممالک سے آنے والے افراد تھے ۔

پیرو ہرڈیا یونیورسٹی  کے مائیکروبیالوجسٹ کا کہنا ہے کہ جب دسمبر میں پہلی بار مختلف ماہرین طب کی توجہ مبذول ہوئی  تو اس وقت 200 نمونوں  میں صرف ایک  میں یہ ویرینٹ پایا گیا تھا ۔ تاہم  مارچ تک  ان نمونوں میں تقریبا 50 فی صد حصہ تھا  جوکہ اب بڑھ کر  تقریبا 80  فی صد تک پہنچ چکا ہے۔ اس سے  یہ خیال ظاہر کیا جارہا ہے کہ اس وائرس کے پھیلاؤ  کی شرح دیگر مختلف ویرینٹ کے مقابلے میں زیادہ ہے۔

ماہرین کاکہناہےکہ "یہ ممکن ہے کہ اس میں پھیلنے  کی شرح زیادہ ہو لیکن اس پر مزید کام کرنے کی ضرورت ہے۔عالمی ادارہ صحت   نے لیمبڈا  کو اس جون میں اب تک کے  ساتویں کوروناقسم  میں شامل کیا ہے ۔

لاطینی امریکہ  اب تک وبائی بیماری کا سب سے زیادہ متاثر خطہ رہا ہے۔  دنیا کی صرف 8فی صد آبادی پر مشتمل اس  ملک میں  کوروناوائرس کے 20فیصد  کیسز  ہیں۔ کولمبیا ، پیراگوئے اور یوراگوئے میں بھی  حالیہ ہفتوں میں  کورونا کیسز میں تیزی سے اضافہ ہوا ہے ۔