پاکستان کا اقوام متحدہ میں بھارت اور افغانستان کیخلاف قرارداد لانے کا فیصلہ

نیو یارک: اقوام متحدہ میں پاکستان کے مستقل مندوب منیر اکرم نے کہا ہے کہ بھارت کی دہشت گردی میں معاونت کو ایکسپوز کرنا ہمار اگلا قدم ہے، اقوام متحدہ میں بھارت اور افغانستان کیخلاف قرارداد لائیں گے۔
تفصیلات کے مطابق پاکستان نے اقوام متحدہ میں بھارت اور افغانستان کیخلاف قرارداد لانے کا فیصلہ کر لیا ہے۔
اس حوالے سے اقوام متحدہ میں پاکستان کے مستقل مندوب منیر اکرم نے کہا ہے کہ افغان سرزمین سے دہشت گردی ایکسپورٹ کرنے پر اقوام متحدہ میں بھارت کیخلاف قرارداد لائیں گے۔
منیر اکرم کا کہنا تھا کہ ہمارا اگلا قدم اقوام متحدہ میں بھارت کی دہشت گردی میں معاونت کو ایکسپوز کرنا ہے، تاکہ سب اس کے بارے میں جان سکیں۔
انہوں نے مزید کہا کہ بھارت کیخلاف اقوام متحدہ میں کام اب مزید تیز کرنا ہوگا، جس کا وقت آن پہنچا ہے، بھارت پر پابندیاں لگانے میں اس کے دوست آڑے آجاتے ہیں، لیکن اب اس کے باوجود ہمیں آگے بڑھنا ہوگا۔