2 خلا باز س نو ماہ اسپیس میں پھنسے رہنے کے بعد بحفاظت زمین پر واپس پہنچ گئے

ناسا کے 2 خلا باز سنیٹا ولیمز اور بیری ولمور نو ماہ خلاء میں پھنسے رہنے کے بعد بحفاظت زمین پر واپس پہنچ گئے۔

غیر ملکی میڈیا کی رپورٹس کے مطابق بین الاقوامی خلائی اسٹیشن (آئی ایس ایس) میں سوار 58 سالہ سنیتا ولیمز اور 62 سالہ بوچ ولمور خلاء میں 8 دنوں کے لیے گئے تھے، تاہم اسٹار لائنر خلائی جہاز میں تکنیکی خرابی کی وجہ سے گزشتہ ساڑھے 9 ماہ سے خلاء میں پھنسے ہوئے تھے۔

دونوں خلاء بازوں کو اسپیس ایکس کے کریو ڈریگن خلائی جہاز کے ذریعے ریسکیو کیا گیا۔ ناسا کے کریو-10 مشن کے تحت 4 خلاء بازوں میں ناسا کے این میک کلین اور نکول آئرس، جاپان کے تاکویا اونیشی اور روس کے کریل پیسکوف شامل تھے، جنہیں آئی ایس ایس بھیجا گیا۔

ناسا کا 4 خلاء بازوں پر مشتمل کریو-10 مشن خلاء میں پھنسی سنیتا ولیمز اور بوچ ولمور کو 286 دنوں کے بعد آج صبح بحفاظت واپس زمین پر لے آیا، خلاء باز اسپیس ایکس کے کیپسول میں فلوریڈا کے ساحل پر بحفاظت اترے ہیں۔

یادر رہے کہ سنیٹا ولیمز اس وقت ISS کی کمانڈر ہیں اور سابقہ امریکی نیوی افسر بھی رہ چکی ہیں۔ وہ 1998 میں ناسا کا حصہ بنیں اور اب تک 322 دن خلاء میں گزار چکی ہیں۔

بیری ولمور اور سنیٹا ولیمز، دونوں تجربہ کار خلا باز ہیں، اور ان کی خلائی واپسی ناسا اور بوئنگ کے خلائی پروگرام کے لیے ایک اہم پیش رفت سمجھی جا رہی ہے۔